Fazilat E Moula Ali Mushkil Kusha

Shaane Maula Ali Muskhil Kusha Ko Bayan Karna Is Nachiz Gunahgaar Ki Itni Aukat Nahi. Aapki Gulami Ka Saboot Dete Hue Ek Adna Si Koshish Kar Raha Hu. Maula Ali Karamallaho Wajahahul Kareem Ki Shane Aqdas Me La Tadad Hadeese Pak Maujood Hai. Jisme Se Chuninda Hadeese Pak Ko Ek Post Me Likha Hu.

21 Ramzan Shahaadat Moula E Kayenat Haider E Karrar Abu Turab Zulfiqar Mushkil Kusha Shere Azdaan Moula Ali Shere Khuda Karamalahu Wajah ul Kareem.


​​💖🕋💖"'21 Ramzan"'💖🕋💖​​

​🕋★'YAUM-E-SHAHADAT'★🕋​

💖Sher-e-Khuda

💖Jansheen-e-Mustafa

💖Damad-e-Mustafa

💖Raazdar-e-Mustafa

💖Akhi-e-Mustafa

💖Haidar-e-Karrar

💖Shauhar-e-Fatima

💖Walid-e-Hasnain

💖Tajdar-e-Aulia

💖Markaz-e-Wilayat

💖Khalifat-e-Rasulullah

💖Asle Nasle Safa

💖Wajhe Wasle Khuda

💖Shahe Khaibar Shikan

💖Partav-e-Daste Khudrat

💖Sher-e-Shamshire Zaan

💖Saqi-e-Sheero Sharbat

💖Babe Fasl-e-Wilayat

💖Ahle Rifzo Khurooj

💖Gareeq-e-Bahre Bala

💖Hareeq-e-Naarwala

💖Muqtada-e-Jumla Rasheed

💖Asadullah

💖Abu Turab

💖Abul Hasan

💖Imamul Wasileen

💖Amirul Mo'aminin

​💖HAZRAT SAYYADANA SARKAR MAULA ALI IBNE ABI TALIB​ 

​Karramallahu Wajaha'hul Kareem​

​​(Najaf Ashraf, Iraq)​​

🕋🕋🕋🕋🕋🕋🕋🕋🕋🕋

​◆Khiraaj-e-Aqeedat Zaroor Zaroor Pesh Kare◆​


Kaun Hai Maula Ali:

Maula Ali Shere Khuda Karamalahu Wajah ul Kareem Wo Azim Hasti Ka Nam Hai Jo. Damad-E-Mustafa ﷺ Hai. Jo Khatoon-E-Jannat Sayyeda Fatima Zohra Radiallahu Anha Ke Shohar Hai. Jo Jannati Naujawano Ke Sardar Imam Hasan O Hussain Radiallaho Anhu Ke Walid Hai. Maula Ali Wo Hai Jinhe Huzoor ﷺ Ne Ilm Ke Shahar Ka Darwaza Bataya. Mauala Ali Wo Hai Ke Jinhe Dekhna Ibadat Hai. Maula Ali Wo Hai Jinhe Nabi-E-Kareem ﷺ Ne Duniya Wa Aakhirat Me Apna Bhai Banaya. Maula Ali Wo Ke Jinki Wiladat Muqaddas Khana-E-Kaba Me Hui. Maula Ali Murtaja Wo Hai Ke Jinke Liye Nabi-E-Kareem ﷺ Ne Irshad Farmaya,

ﻣَﻦْ ﻛُﻨْﺖُ ﻣَﻮْﻻَﻩُ ﻓَﻌَﻠِﻲٌّ ﻣَﻮْﻻَﻩُ
"Jiska Mein Maula Hoo’n Us Ka Ali Maula Hai.”

Maula Ali Sher E Khuda Ki Muskhtsar Sawane Hayate Tayyeba Yahan Par Padhe

Khatoon E Jannat Sayyeda Bibi Fatima Zahra Radiallaho Anha Ki Fazilat Quran Wa Hadees Se Yahan Padhe.

Hazrat Maula Mushkil Kusha Ali Radiyallahu Anhu Ne Farmaya :

"Main Wo Ali Hoon Jis Ki Batein Aqlon Ko Hairaan Aur Zehno ko Preshaan Kar Deti Hain.
Aye Logo Maine Aaj Tak Apni Haqiqat Ko Tum Par Aashkaar Nahi Kiya.

Agar Main Apni Haqiqat Aur Fazeelat Se Duniya walo'n ko Aagah Kar Doon To Aadhi Duniya Meri Fazeelat Ki Bulandi Sun Kar Mar Jaye
Aur Baqi Deewani Ho jaye.

Main Apne Sirf itne Faza'il Se Parda Uthata Hoon (Bayan Karta Hoon) Jin
Ko Haqiqi Momin Ka Dil Bardasht Kar Sake."
(KITAB-UL-SAFEEN, Page  71)

Hadees No: 1
Hadees-E-Mubarak Ka Mafhoom Hai Ke Hazrate Amir Bin Saad Bin Abu Waqqas Radiallahu Anhu Se Riwayat Hai Ki, Rasoolallah Sallallahu Alaihi Wasallam Ne Hazrat Ali Radiallahu Anhu Se Farmaya :-
“Tum Mere Paas Aise Ho Jaise Hazrat Haroon Alaihissalam They Hazrat Moosa Alaihissalam Ke Paas. Magar Mere Baad Koi Nabi Nahi Hai”.
(Jamia Al Timirzi  :  Jild 1, Book 46, Hadees 3731 Arabic Ref. : Book 49, Hadees 4095)

Hadees No: 2
Hazrat Shuaba Bin Kuhayl Radiallahu Anhu Se Riwayat Karte Hain Ki Mein Ne Abu Tufail Radiallahu Anhu Se Suna Ki Abu Sareeha Radiallahu Anhu Ya Zayd Bin Arqam Radiallahu Anhu Se Marwi Hai (Hazrat Shuaba Ko Raawi Ke Mut’alliq Shak Hai) Ki Huzoor Nabi E Akram Sallallahu Alaihi Wasallam Ne Farmaya :
ﻣَﻦْ ﻛُﻨْﺖُ ﻣَﻮْﻻَﻩُ ﻓَﻌَﻠِﻲٌّ ﻣَﻮْﻻَﻩُ
"Jiska Mein Maula Hoo’n Us Ka Ali Maula Hai.”

(Jamai Tirmizi ,Vol :05, Pg : 398, Kitab No 49 Kitabul Manakib, Hadees : 4078 “English No : 3713)
(Imam Nasai Al Khasais E Ali Ibn Abu Talib Pg :44, Hadees : 33)
(Imam Hakim Al Mustadrak ,Vol :03, Pg : 34, Hadees : 4652)
(Imam Tabrani Al Mujam Ul Kabir, Vol : 12, Pg : 470, Hadees : 12593)
(Imam Tabrani Al Mujam Ul Ausat, Vol : 01, Pg :229, Hadees : 348)
(Imam Tabrani Jamee Us Sageer Vol : 01, Pg :171)
(Imam Ahmad Ibn Hambal Al Musnad, Vol : 01, Pg : 570, Hadees : 959)
(Imam Abdul Razzaq Al Musannaf Vol : 11,Pg :225, Hadees :20238)
(Al Musannaf Ibn Abi Shayba Vol : 06, Pg : 602, Hadees : 32072)
(Imam Ibn Asim As Sunnah Vol :02, Pg :602, Hadees :1354)
(Imam Shashi Al Musnad Vol : 01, Pg :165, Hadees :106)
(Imam Hussamul Hindi Al Kanjul Ummal Vol : 11, Pg :602, Hadees :32904)
(Imam Ibn Aseer Usadul Ghabah Fi Marifat E Sahaba Vol : 04, Pg : 103)
(Allama Ibn Kathir Al Bidayah Wan Nihayah Vol : 04, Pg : 169)
(Imam Zahbi Siyar An Nabula Vol : 02, Pg : 623)
(Gair Mukallid Ke Sabse Bade Muhadis
Shaykh Albani Ne Silsila Al Hadees As Sahih Vol : 04, Pg : 331, Hadees : 1750)

Hadees No: 3
Hazrat Sahl Bin Saad Radiallahu Anhu Se Rivayat Hai
“Ek Din Hazrat Ali Radiallahu Anhu Hazrat Sayyada Kaynaat Radi Allaho Anha Ke Pass Gaye Aur Phir Masjid E Nabvi Me Aake Let Gaye. Jab Huzoor Nabi-E-Kareem Sallallahu Alaihi Wasallam Pahuche To Sayyada Kainat Se Pucha Ali Kaha Hai? Farmaya Masjid Gaye Hai. Nabi E Rehmat Sallallahu Alaihi Wasallam Masjid E Nabvi Pahuche Aur Dekha To Hazrat Ali Wahi Lete The. Aapki Chadar Hat Gayi Thi Jis Se Peet Mitthi Se Aaluda Hogayi. Nabi E Karim Apne Hath Mubarak Se Unki Mitthi Jhadne Lage Aur 02 Baar Farmaya
ﻗُﻢْ ﺃَﺑَﺎ ﺗُﺮَﺍﺏٍ، ﻗُﻢْ ﺃَﺑَﺎ ﺗُﺮَﺍﺏٍ
‘AYE ABU TORAB Utho ! AYE ABU TORAB Utho’
(Sahi Bukhari, Vol : 01, Pg : 161, Kitab No 08, Kitabus Salat, Baab : Masjid Me Mard Ke Sone Ka Bayan, Hadees : 441 “English -Book No :08, Hadees: 90)

Hadees No: 4
“Hazrat Habshi Bin Jundaah Radiallahu Anhu Se Rivayat Hai Ke Unhone Rasoolallah Sallallahu Alaihi Wasallam Ko Farmate Huwe Suna Ali Mujhse Hai Aur Mai Ali Se Hoon”
(Sunan Ibn Majah, Vol : 01 , Kitabul Imaan, Hadees : 119)

Hadees No: 5
Hazrat Ali Se Rivayat Hai Nabi-E-Kareem Sallallahu Alaihi Wasallam Ne Irshad Farmaya
ﺃﻧﺎ ﻣﺪﻳﻨﺔ ﺍﻟﻌﻠﻢ ﻭﻋﻠﯽ ﺑﺎﺑﻬﺎ
“MAI ILM KA SHAHER HOON AUR ALI USKA DARWAJA ”
(Imam Hakim AL Mustadrak, Vol : 04, Page : 96, Hadees : 4613)

Hadees No: 6
Nabi E Kareem Sallallahu Alaihi Wasallam Ne Irshad Farmaya
ﺃَﻧَﺎ ﺩَﺍﺭُ ﺍﻟْﺤِﻜْﻤَﺔِ ﻭَﻋَﻠِﻲٌّ ﺑَﺎﺑُﻬَﺎ
“MAI HIKMAT KA GHAR HOON AUR ALI USKA DARWAJA”
(Jamai Tirmizi, Vol : 05,Pg : 402, Kitab No : 49 Kitabul Manakib, Hadees : 4089, “English No : 3723)

Hadees No: 7
Nabi-E-Karim Sallallahu Alaihi Wasallam Ne Irshad Farmaya Ke
"MAI ILM KA SHAHER HOON Abu Baqr Uski Bunyaad, Umar Uski Deewar, Usmaan Uski Chatth (Roof) Aur ALI USKA DARWAJA"
(Imam Daylami Al Musnadul Firdaus, Vol : 01, Page :43, Hadees: 108)

Hadees No: 8
Hazrat Imran Bin Hussain Radiallahu Anhu Se Rivayat Hai Ke Huzoor Nabi-E-Kareem Sallallahu Alaihi Wasallam Ne Farmaya Beshak Ali Mujhse Hai Aur Mai Ali Se Hoon Mere Baad Har Momin Ka Wali Hai.
(Jamai Tirmizi, Vol :05, Pg : 399, Kitab No 49 Kitabul Manakib, Hadees : 4077, English No -Vol : 01, Book No : 46, Hadees : 3712)

Hadees No: 9
“Hazrat Abu Hurraira Radiallahu Anhu Farmate Hai Maine Nabi-E-Kareem Sallallahu Alaihi Wasallam Se Ilm Ke 02 Katore Ya Pyale (Bowl) Haasil Kiye Ek Ilm Maine Tumko Bayan Kar Diya Aur Dusra Tumhe Batadu To Tum Usko Samajh Bhi Naa Pao Aur Meri Gardan (Neck) Talwar Se Maardo”
(Sahi Bukhari, Vol :01, Pg : 124, Kitab Ilm, Baab No 42 Hifzul Ilm,Hadees : 120)


Mazhar-E-Zaat-E-Habibe Kibriya Ban Gaye Tang Dasti Me Dast-E-Khuda Ban Gaye Umr Mushkil Me Rehke Guzari Magar Saari Dunya Ke Mushkil Kusha Ban Gaye.


Hadees No: 10
Abu Sa'eed Khudri Radiallahu Anhu Farmate Hai
"Hum Ansaar Ke Logo Ke Nazdeek Hazrat E Ali Ibn Abu Talib Se Bughz Rakhna Munafikaat Ki Alamat Thi Is Se Hum Munafik Ko Pahchan Lete The”
(Jamai Tirmizi, Vol :06, Pg : 390, Kitab No 49, Kitabul Manakib, Hadees : 4082 ‘English No : Vol : 01,Book No :46, Hadees :3717’)

Hadees No: 11
“Hazrat Zirr Bin Hubaish Radiallahu Anhu Riwayat Karte Hain Ki Hazrat Ali Karram Allahu Ta’ala Waj’hahul Kareem Ne Farmaya:
Qasam Hai Us Zaat Kee Jis Ne Daana Cheera Aur Jis Ne Jaandaaron Ko Paida Kiya !
Huzoor Nabi E Akram Sallallahu Alaihi Wasallam Ne Mujh Se Ahad Faramaya Tha Ki Mujh Se Sirf Momin Muhabbat Rakhega Aur Sirf Munafiq Hee Mujh Se Bughz Rakhega.”
(Sahi Muslim, Vol : 01, Kitab No 01 Kitabul Imaan,Baab : Hazrat Ali Aur Ansaar Se Muhabbat Karna Imaan ki Alamat Hai Unse Bugz Karna Munafikat Ki Alamat Hai, Hadees
: 78 “English No Book 01, Hadees : 146 OR 141)
(Imam Abu Yaala Al Musnad Vol :01, Pg : 250, Hadees : 291)
(Imam ibn Abi Asim As Sunnah Vol : 02, Pg :598)
(Imam Bazzar Al Musnad Vol : 02, Pg : 182, Hadees : 560)

Hadees No: 12
Hazrat Sahl Bin Saad Farmate Hai Rasool E Karim Sallallahu Alaihi Wasallam Ne Khaybar Ke Din Irshad Farmaya Kal Mai Ye Jhanda Aise Shaks Ko Dunga Jiske Haath ALLAH Ta'ala Fateh Dega Woh ALLAH AUR USKE RASOOL Sallallahu Alaihi Wasallam Se Muhabbat Rakhta Hai Aur ALLAH AUR USKA RASOOL Sallallahu Alaihi Wasallam Usse Mohabbat Karte Hai. Agle Roz Subah Har Insaan Ye Ummid Rakhta Tha Ke Jhanda Use Diya Jayga. Farmaya Ali ibn Abu Talib Kaha Hai ?
Logon Ne Arz Kiya Yaa Rasool ALLAH Sallallahu Alaihi Wasallam Unki Aankhe Dukhti Hai. Unhe Bulaya Gaya HUZOOR NABI  E KARIM Sallallahu Alaihi Wasallam Ne APNA LUAAB-E-MUBARAK Nikala Aur Hazrat Ali Ki Aankho Me Lagaya Wo Aise Theek Hogaye Jaise Pahle Dard Tha Hi Nahi Aur Jhanda Unhe De Diya Gaya.
Maula E Kaynaat Ne Pucha YAA RASOOLALLAH Kya Mai Unse Us Wakt Tak Ladu Jab Tak Musalmaan Na Hojaye?
Farmaya Narmi Ekhteyar Kar Jab Tak Ke Tum Unke Maidan Me Naa Utar Jaao Phir Unhe Islaam Ki Dawat Do Aur ALLAH Ke Jo Hukook Unpe Hai Wo Unhe Batao Allah Ki Kasam Koi Ek Shaks Ko Bhi Tumhare Jariye Se Hidayat Mil Jaaye. Ye Tumhare Liye Is Baat Se Accha Hai Ke Tumhare Paas Surkh Oont Ho”
(Sahi Bukhari Vol : 05 Pg :170 , Kitab No 56 Kitabuz Jihad, Baab : ﺑﺎﺏ ﻓَﻀْﻞِ ﻣَﻦْ ﺃَﺳْﻠَﻢَ ﻋَﻠَﻰ ﻳَﺪَﻳْﻪِ ﺭَﺟُﻞٌ Hadees : 3009)
(Sahi Bukhari, Kitabul Magazi, Baab :
Ghazwa E Khaibar, Hadees : 4210)
(Sahi Muslim Vol : 04, Pg : 210, Kitab No 44 Fazail E Sahaba RadiAllaho Taala Alaihim Azmain, Baab : Manakib E Ali ibn Abu Talib, Hadees : 2406, “English : Book 44 Hadees : 53)

Nisbat Mili Hai Peer Ki Sadka Ali Ka Hai
Sabse Alag Tarikh Mein Rutba Ali Ka Hai
Sher-E-Khuda Ke Waste Suraj Bhi Palat Gaya
ALLAH Bhi Naaz Uthaye Wo Sajdah Ali Ka Hai
Khaibar Ka Kanp Jana Hai Apni Jagah Magar
Jo Baatil Ko Hila De Wo Naara Ali Ka Hai.
Naara-E-Haideri Ya Ali Ya Ali...

Hadees No: 13
Hazrat Umme Salama RadiyAllahu Ta’ala Anha Se Riwayat Hai Ki Rasoolullah Sallallahu Alaihi Wasallam Farmaya Karte They :
Koi Munafiq ,Ali KarramAllahu Ta’ala
Waj’hahul Kareem Se Muhabbat Nahin Karta Aur Koi Momin Ali KarramAllahu Ta’ala Waj’hahul Kareem Se Bughz Nahin Rakhta.”
(Jamai Tirmizi Vol : 05, Pg : 635, Kitab No 49 Kitabul Manakib, Hadees : 4083 ‘English Hadees No: 3717)
Aage Imam Tirmizi Likhte Hai Ye Hadees Hasan Hai. (Abu Yaala Al Musnad, Vol : 12 Pg:362, Hadees: 6931)
(Imam Tabrani Al Mujam Al Kabir Hadees : 886)

Hadees No: 14
Hazrat Abdullah Ibn Umar Radiallahu Anhu Se Rivyata Hai Jab Nabi-E-Karim Sallallahu Alaihi Wasallam Ne Madina Munawara Me Muhajireen Aur Ansar Ke Darmiyan Bhai Chara Qayam Farmaya. To Hazrat Ali Radiallahu Anhu Is Haal Me Nabi-E-Karim Sallallahu Alaihi Wasallam Ke Pass Tashrif Laaye Ke Aapke Aankho Se Aansu Jaari The Aapne Farmya YA RASOOL ALLAH Aapne Sahaba Ke Kayam Bhaichara Farmaya Lekin Kisi Ne Mujhe Bhai Naa Banaya. Nabi-E-Karim Sallallahu Alaihi Wasallam Ne Farmaya
ﺃَﻧْﺖَ ﺃَﺧِﻲ ﻓِﻲ ﺍﻟﺪُّﻧْﻴَﺎ ﻭَﺍﻵﺧِﺮَﺓِ
Yaani Tum Dunya Aur Aakhirat Me Mere Bhai Ho”.
(Jamai Tirmizi Vol : 05, Pg : 401, Kitab No 49 Kitabul Manakib, Hadees : 4086 “English Book No : 46, Hadees : 3720)

Hadees No: 15
Hazrat Abi Abdullah Jadali Kahte Hain Ki Mein Umm-ul-Momeenin Hazrat Umm-E-Salma RadiyAllahu Ta’ala Anha Kee Khidmat Me Haazir Huwa To Aap Ne Mujh Se Puchha
Kya Rasool Allah Sallallahu Alaihi Wasallam Ko Gaali Dee Jaa Sakti Hai?
Mein Ne Kaha :
Sub’hanAllah Ya Kaha Ki Allah Usse
Panaah De To Aap Ne Farmaya Mein Ne Rasool Allah Sallallahu Alaihi Wasallam Ko Farmate Huwe Suna Hai Ki Jo Ali Ko Gaali Deta Hai Woh Mujhe Gaali Deta Hai.”
(Imam Nasai Al Khasais E Ali Ibn Abu Talib Pg : 96, Hadees : 99)

Hadees No: 16
Hazrat Saad Radiallahu Anhu Se Rivayat Hai Ke Rasool Allah Sallallahu Alaihi Wasallam Ne Hazrat Ali Radiallahu Anhu Se Farmaya Nabi-E-Karim Sallallahu Alaihi Wasallam Jung-E-Tabook Ke Liye Jaane Lage To Hazrat Ali Radiallahu Anhu Ko Bulaya Aur Madina Me Apna Khalifa Mukhatib Kiya, Hazrat Ali Radiallahu Anhu Ne Farmaya Kya Aap Mujhe
Aurato Aur Baccho Ke Saath Chode Jaa Rahe Hai?
Huzoor Nabi-E-Karim Sallallahu Alaihi Wasallam Ne Farmaya Kya Tum Is Baat Se Raazi Nahi Tum Mere Darbaar Me Wo Martaba Haasil Ho Jo Hazrat Haroon Ko Darbaar-E-Hazrat Moosa Ke Liye Me Tha Magar Ye Ke Mere Baad Koi Nabi Nahi”
(Sahi Bukhari, Vol : Pg : Kitab No 64 Kitabul Magazi, Baab : Ghazwa E Tabook, Hadees : 4416)
(Sahi Muslim, Vol : Pg : Kitab No 44 Fazail E Sahaba, Baab : Min Fazail E Ali Ibn Abu Talib, Hadees : 2404)
Aur Bukhari Muslim Ki Dusri Rivayat Me
“Tum Mere Liye Aise Hi Ho Jaise Moosa Ke Nazdeek Haroon Ka Makam Tha Magar Ye Ke Mere Baad Koi Nabi Nahi”
(Sahi Muslim, Vol : Pg : Kitab No 44 Fazail E Sahaba, Baab : Min Fazail E Ali Ibn Abu Talib, Hadees : 2404)
(Sahi Bukhari, Vol : Pg : Kitab No 62 Fazail E Ashabun Nabi, Baab : Manakib E Ali Ibn Abu Talib, Hadees : 3706)

Murtaza Shere Haq Ashja-Ul Ashja-e Saaqi E Sheero Sharbat Pe Laakho(n) Salaam 

Asl E Nasl E Safaa Wajhe Wasle Khuda Baab E Fasle Wilayat Pe Laakho(n) Salaam

Awwali Dafa E Ahle Rifzo Khuruj Chaar Mi Rukne Millat Pe Laakho(n) Salaam

Shere Shamsheer-J(a)n Shahe Khaibar-Shikan Parvat E Dost Qudrat Pe Laakho(n) Salaam 

Maahi E Rifzo Tafzeel O Nasb O Khurooj Haami E Deen O Sunnat Pe Laakho(n) Salaam 

Momeni Peshe Fat-ho Pase Fat-h Sab Ahle Khairo Adaalat Pe Laakho(n) Salaam

(Kalam-E-Imaam Ahmed Raza Khan AalaHazrat RadiAllahu Anhu)

ALLAH Rabbul Aalameen Quran-E-Kareem Me Ahle Bait Ke Talluqse Farmata Hai, 
Phir Aye Mehboob, Jo Tum Se Isaa Ke Baare Me Huzzat Kare Iske Baad Tumhe Ilm Aachuka To Unse Farmado Aao Hum Bulaye Apne Bete Aur Tumhare Bete Aur Apni Aurato Aur Tumhari Aurato Aur Apni Jaane’in Aur Tumhari Jaane’in Phir Mubahila Kare To Jhuto Par ALLAH Ki Laanat Daale
(Surah Al Imraan, Ayat 61, Tarzuma: Kaznul Imaan) 

Yah Hai Woh Jiski Khushkhabri Deta Hai ALLAH Apne Bando Ko Jo Imaan Laaye Aur Acche Kaam Kiye. Tum Farmao Mai Is Par Tumse Kuch Uzrat Nahi Maangta Magar Karaabat Ki Muhabbat
(Surah Shaura, Para 25, Ayat 23, Tarzuma: Kanzul Imaan) 
 
Hadees No: 17

Hazrat Abdullah ibn Abbas RadiAllaho Anho Se Rivayat Hai Nabi-E-Karim ىلص ُالل ُهيلع ملسو Ne Farmaya
“Tum  ALLAH Se Uski Naemato Ki Wajah Se Muhabbat Kiya Karo Jo Usne Tum Par Ki Hai, Mujhse Muhabbat Rakho ALLAH Ki Muhabbat Ki Wajah Se Aur Mere Ahle Bait Se Muhabbat Rakho Meri Muhabbat Ki Wajah Se.”
(Jamai Tirmizi, Vol :06, Pg :437, Kitabul Manakib, Hadees : 3789,  Arabic No : 4158)
(Mishkaat Ul Masabeeh, Vol :  2, Pg : 573)
( Zujajatul Masabeeh, Vol :  5, Pg : 314/315) 

Hadees No: 18

Hazrat Sahl Bin Saad Farmate Hai Rasool-E-Karim ﷺ Ne Khaibar Ke Din Irshad Farmaya,
Kal Mai Ye Jhanda Aise Shaks Ko Dunga Jiske Haath ALLAH Ta'ala Fateh Dega Woh ALLAH AUR USKE RASOOL ﷺ Se Muhabbat Rakhta Hai Aur ALLAH AUR USKA RASOOL ﷺ Usse Mohabbat Karte Hai. 
Agle Roz Subah Har Insaan Ye Ummid Rakhta Tha Ke Jhanda Use Diya Jayga. Farmaya Ali ibn Abu Talib Kaha Hai? Logon Ne Arz Kiya Yaa Rasool ALLAH ﷺ Unki Aankhe Dukhti Hai. Unhe Bulaya Gaya HUZOOR NABI-E-KARIM ﷺ Ne APNA LUAAB-E-MUBARAK Nikala Aur Hazrat Ali Ki Aankho Me Lagaya Wo Aise Theek Ho Gaye Jaise Pahle Dard Tha Hi Nahi Aur Jhanda Unhe De Diya Gaya. 

Maula-E-Kaynaat Ne Pucha YAA RASOOLALLAH ﷺ Kya Mai Unse Us Wakt Tak Ladu Jab Tak Musalmaan Na Ho Jaye? Farmaya Narmi Ekhteyar Kar Jab Tak Ke Tum Unke Maidan Me Naa Utar Jaao Phir Unhe Islaam Ki Dawat Do Aur ALLAH Ke Jo Hukook Unpe Hai Wo Unhe Batao ALLAH Ki Kasam Koi Ek Shaks Ko Bhi Tumhare Jariye Se Hidayat Mil Jaaye. Ye Tumhare Liye Is Baat Se Accha Hai Ke Tumhare Paas Surkh Oont Ho. 
(Sahi Bukhari Vol : 05 Pg :170 , Kitab No 56 Kitabuz Jihad, Hadees : 3009)
(Sahi Bukhari, Kitabul Magazi, Baab : Ghazwa E Khaibar, Hadees : 4210)
(Sahi Muslim Vol : 04, Pg : 210, Kitab No 44 Fazail E Sahaba RadiAllaho Taala Alaihim Azmain, Baab : Manakib E Ali ibn Abu Talib, Hadees : 2406, “English : Book 44 Hadees : 53) 

Hadees No: 19

Sarkare Do Aalam Noore Mujassam Shafi E Mehshar Nabi E Rehmat ﷺ Ne Irshad Farmaya,

" Aye ALLAH Haq Ko Ali Ke Sath Rakh,
Wo (Ali) Jahan Bhi Rahe."
(Sunan Tirmizi, Hadees No: 3714)

Hadees No: 20

Sarkare Do Aalam Noore Mujassam Shafi E Mehshar Nabi E Rehmat ﷺ Ne Irshad Farmaya,

"ALLAH Ne Har Nabi Ki Zurriyat Unhi Ke Sulb Me Rakkhi,
Aur Beshaq ALLAH Ne Meri Zurriyat Ali Ke Sulb Me Rakkhi."
(Kanzul Umaal, Hadees No: 32892)

Hadees No: 21

Hazrat Ammar bin Yaasar Farmate Hai Mai Aur Hazrat Ali Ghazwa E Jil Ushairah Me The K Nabi E Rehmat ﷺ Ne Farmaya,
Kya Mai Tumko Un 02 Shaks Ke Baare Me Khabar Naa Du Jo Logo Me Sabse Badhbakt Hai?

Humne Arz Kiya Kyu Nahi Ya RASOOL ALLAH ﷺ !
Nabi Rehmat ﷺ Ne Farmaya

i) Kaum E Samood Ka Wo Shaks (Yaani Kaadar Bin Salif) Jisne ALLAH Ke Nabi Hazrat Saleh AlaihiSalam Ki Mukaddas Oontni Ki Mubarak Taange Kaati Thi 

ii) AYE ALI WO SHAKS JO TUMHARE SAR PAR TALWAAR MAARKE TUMHARI DAADI KHOON SE SURKH KAR DEGA”
(Musnad E Ahmad Ibn Hambal Vol :06, Pg :360,Hadees :18341)

Aaj Jahil log Huzoor Nabi E Karim ﷺ Ke Ilm Pe Ungli Uthate Hai. Ma'azallah  Ye Nahi Pata Wo Nahi Pata Tha Unko Is Hadees Se Sabak Lena Chahiye Huzoor Nabi E Karim ﷺ Ne Pahli Hi Bayan Farma Diya Tha Ke Ali Ko Sarpe Waar Kar Shaheed Kiya Jayga. Hatta Ke Aap Ki Dadi Mubarak Bhi Khoon Se Laal Ho Jayegi. 

Ab Andaza Lagaye Hizri 40 Me Aapka Wisal Huwa Hai Aur Huzoor ﷺ Ne Pehle Hi Ye Bayan Kar diya Ye Bhi Kah Dete Ke Sirf Shaheed Honge Lekin Dushman Kis Jagah Waar Karega Ye Bhi Huzoor ﷺ Ne Bayan Kar Diya Nabi E Karim  ﷺ Ki Nigaah Aur ALLAH Ka Ata Karda Gaib Ki Baatein Aapne Jahir Ki Dushman Talwaar To Piche Se Peeth Pe Bhi Chala Sakta Hai, Teer Se Hamla Kar Sakta Hai Pet Me Khanjar Maar Sakta Hai Par Subhan ALLAH Dekhe Kya Farmya
TALWAAR MAREGA WO BHI SAR PE 
Bata Diya Kaha Marega Kis Jagah Hamla Karega Kis Cheez Se Hamla Karega Ye Bhi Bata Diya Ab Bhi Na Samajhta Gaib Ka Ilm To Kya Kare Inka.

Khuda Hi Jaane UBAID Unko Hai Pata Kya Kya,
Hamein Pata Hai Bus itna,
Ki Huzoor Jante Hain.


0/Post a Comment/Comments

Roohani Mukammal Ilaaj:
Hazrat Sayyed Jainulaabedin Bukhari (Qadri)
Contact: +918483046455
(Contact Hazrat On: 9.00am to 10.30am/9.00pm to 10.30pm)
(Hazrat is available on Whatsapp.
Please Contact in the given time. Call only if necessary.)
100% Mukammal Ilaj Kamse Kam Kharche Me.

Dhongi Babao Nakali Aamilo Se Bache. Ye Log Aapki Majboori Ka Fayda Utha Kar Aapko Dono Hatho Se Loot Rahe Hai. Hazrat Jainulaabedin Bukhari Amliyat Roohani Duniya Ke Khazane Logo Tak Feesabilillah Pohochane Ka Kaam Kar Raha Hai Ki Jyada Se Jyada Logo Ki Pareshaniya Door Ho Jaye. Aapki Har Pareshani Ka Hal Insha ALLAH Hazrat Se Hasil Kare. Sirf Khalq Ki Khidmat Hi Hamara Maqsad Hai.

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

Email Us: HumareNabi@gmail.com

Previous Post Next Post