Shab E Qadr Ka Khas Amal

Shab E Qadr Ramzanul Mubarak Ki Wo Muqaddas Rat Hai Ke Jise 1000 Mahino Se Afzal Farmaya Gaya Hai. Yani Lailatul Qadr Ki Ek Rat Me Ibadat Karna 1000 Mahino Ke Ibadat Ke Barabar Hai. Aaiye Hadeese Pak Ki Roshni Me Gaur Karte Hai.

Nabi-E-Kareem (Sallallaahu Alayhi Wasallam) Ne Farmaya:
Jis Kisine Is Muqaddas Rat Me Yakeen Wa Imaan Ke Sath Qayam Kiya Uske Pichhle Tamam Gunah Muaf Kar Diye Jate Hai.
(Sahih Bukhari, Vol. 1, Page: 626, Hadees No: 1901)

Nabi-E-Kareem (Sallallaahu Alayhi Wasallam) Ne Farmaya:
"Shabe Qadr Ko Ramzan Ki Aakhri Ashre Ki Taak Raaton Mein Dhoondo” 
(Sahih Al-Bukhari, Jild 3, Kitaab Fazail Laylatul Qadr, Hadith No. 2017)

"Laylat al-Qadr Ko, 21, 23, 25, 27 Aur 29 Ki Raaton Mein Dhoondo”
(Sunan At-Tirmidhi, Kitaab As Saum, Hadith No. 794)

Note:
Yaad Rahe Nabi-E-Kareem (Sallallaahu Alayhi Wasallam) Ka Farmaan Hai Ke,
“Laylat al-Qadr Ko, 21, 23, 25, 27 Aur 29 Ki Raaton Mein Dhoondo” 
Laylatul Qadr In 5 Raaton Mein Se Koi Ek Raat Hai.

ALLAH Rabbul Aalameen Qur'an-E-Kareem Me Ishard Farmata Hai
"Beshaq ! Ise Hamne Shabe Qadr Me Utara Aur Tumne Kya Jaana Kya Shabe Qadr. Shabe Qadr Hazaar (1000) Mahino Se Behtar. Usme Farishte Aur Jibrail Utarte Hai. Apne Rab Ke Huqm Se Har Kaam Ke Liye. Wah Salaamati Hai Subah Chamakne Tak."
(Surah Qadr, Para 30, Aayat 1-5, Tarzuma: Kanzul Imaan)

"Haa ! Meem ! Kasam Us Roshan Kitab Ki. Beshaq Humne Use Barkatwali Raat Me Utara. Beshaq ! Haan Dar Sunanewale Hai. Tumhare Rab Ki Tarafse Rehmat Beshaq Wahi Sunta Janta Hai."
(Surah Dukhan, Para 25, Aayat 1-6, Tarzuma: Kanzul Imaan)

1. Yeh Woh Raat Hai Jisme ALLAH (Subhanahu Wa Ta'ala) Ne Poore Qur’an Ko Al Lawh al Mahfuz Se Baytul Izzah Jo Pehle Aasman Par Hai Waha Utara.

2. Is Raat Mein Kiye Jaane Wali Ibaadat, Achche Aamaal, 1000 Mahino* Mein Kiye Gaye Achche Aamaal Ke Barabar Hai.

*1000 Mahine = 83 Saal Aur 4 Maah (Mahine). Hamari Average Zindagi 60 Se 70 Saal Ki Hai.

Yaani Is Raat Mein Kiye Gaye Ibaadat Ke Sawaab, 83 Saal Aur 4 Maah Mein Kiye Gaye Ibaadat Ke Barabar Hai.

ALLAH Hume Poori Zindagi Ibaadat Karne Ka Sawaab Ek Hi Raat Me Ataa Kar Raha Hai. Jaisa Ke Humne Ahadeese Pak Se Jana Ke Shabe Qadr Ko Ramzan Ke Tisre Ashure Ki 5 Raton Me Talash Karna Hai. To Sawab Ki Niyat Se Ramadan Ke Aakhri 10 Din Rozana Ratko Ye Amal Kare. In Sha ALLAH 84 Sal Ka Sawab Milega. Beshaq ! Humare Sare Aamal Ka Daromadar Niyat Par Hai. Niyat Karke Amal Kare In sha ALLAH Sawab Milega.

1. Rozana Kamse Kam 1 Rs (Indian) Sadqa Nikalen. Aap Apne Hisabse Nilal Sakte Hai. Agar Ye Sadqa Shabe Qadr Me Gaya To in Sha ALLAH Hume 84 Sal Rozana Sadqa Karne Ka Sawab Milega. 

2. Rozana 2 Raka'at Nafl Namaz Padhe. Agar Ye Namaz Shabe Qadr Me Aa Jayegi To In sha ALLAH Hume 84 Years Rozana 2 Raka'at Nafl Padhne Ka Sawab Milega. 

3. Rozana 3 Martaba Surah Ikhlas Yani Kul Ho Allah Padhna Hai. Hadeese Pak Me Hai Ke 3 Martaba Surah Ikhlas Padhna Goya Ke 1 Mukammal Quran Padhna. Baz Riwayato Me 1 Tijayi 1/3 Quran Padhne Ke Sawab Ka Zikr Hai. Lihaza Is Niyat Se Padhenge Aur Wo Shabe Qadr Me Aa Jaye To Hume 84 Years Rozana 1 Mukammal Quran Sharif Ya 1/3 Quran Sharif Tilawat Karne Ka Sawab Milega in Sha ALLAH. 

Note:
Is Amal Ki Koi Daleel Nahi Hai. Jiska Dil Kare Amal Kare, Nahi Kiya To Koi Harz Nahi. ALLAH Par Yakeen Rakh Kar Amal Kare. In sha ALLAH Sawab Milega. Aur Ye To Neki Wala Kam Hai. Dusron Tak Bhi Pohochaye. Hum Log Duniyawi Hisab Qitab To Bohot Karte Hai To Kyu Na Aaj Apni Nekiyon Ka Bhi Hisab Karle. Apni Duao Ke Chand Alfaz Is Nachiz Gunahgar Nazarahmed Khan Ke Naam Karna Na Bhoole. 




0/Post a Comment/Comments

Roohani Mukammal Ilaaj:
Hazrat Sayyed Jainulaabedin Bukhari (Qadri)
Contact: +918483046455
(Contact Hazrat On: 9.00am to 10.30am/9.00pm to 10.30pm)
(Hazrat is available on Whatsapp.
Please Contact in the given time. Call only if necessary.)
100% Mukammal Ilaj Kamse Kam Kharche Me.

Dhongi Babao Nakali Aamilo Se Bache. Ye Log Aapki Majboori Ka Fayda Utha Kar Aapko Dono Hatho Se Loot Rahe Hai. Hazrat Jainulaabedin Bukhari Amliyat Roohani Duniya Ke Khazane Logo Tak Feesabilillah Pohochane Ka Kaam Kar Raha Hai Ki Jyada Se Jyada Logo Ki Pareshaniya Door Ho Jaye. Aapki Har Pareshani Ka Hal Insha ALLAH Hazrat Se Hasil Kare. Sirf Khalq Ki Khidmat Hi Hamara Maqsad Hai.

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

Email Us: HumareNabi@gmail.com

Previous Post Next Post